वो झूटा इश्क़ है जिस में फ़ुग़ाँ हो

वो झूटा इश्क़ है जिस में फ़ुग़ाँ हो
वो कच्ची आग है जिस में धुआँ हो,

अदू तुम से तुम उन से बद-गुमाँ हो
तुम्हारे वो तुम उन के पासबाँ हो,

भला तुम और मुझ पर मेहरबाँ हो
इनायत ये नसीब-ए-दुश्मनाँ हो,

मिरा हाल और फिर मेरा बयाँ हो
अजब क्या गर अदू भी हम-ज़बाँ हो,

कहें किस से ख़ुदी में तुम कहाँ हो
गिला जब हो कि क़ाबू में ज़बाँ हो,

तुम्हारी बे-रुख़ी शिकवे हमारे
क़यामत तक न पूरी दास्ताँ हो,

ज़बाँ बहकी हुई हैराँ निगाहें
ख़याल-ए-दिल कहाँ है तुम कहाँ हो,

मज़ा जब आए उन से गुफ़्तुगू का
पयामी का दहन मेरी ज़बाँ हो,

कशीदा क्यूँ न हो बाज़ार-ए-यूसुफ़
कि जब तुम सा मता-ए-कारवाँ हो,

कहूँ क्या राज़-ए-दिल क्यूँ कर हो बावर
कि तुम सा ही तुम्हारा राज़-दाँ हो,

अभी से किस लिए दिल छोड़ बैठें
जहाँ तक हो सके आह-ओ-फ़ुग़ाँ हो।

Wo Jhuta Ishq Hai Jis Mein Fughan Ho

wo jhuta ishq hai jis mein fughan ho
wo kachchi aag hai jis mein dhuan ho,

adu tum se tum un se bad-guman ho
tumhaare wo tum un ke pasban ho,

bhala tum aur mujh par mehrban ho
inayat ye nasib-e-dushmanan ho,

mera haal aur phir mera bayan ho
ajab kya gar adu bhi ham-zaban ho,

kahen kis se khudi mein tum kahan ho
gila jab ho ki qabu mein zaban ho,

tumhaari be-rukhi shikwe hamare
qayamat tak na puri dastan ho,

zaban bahki hui hairan nigahen
khayal-e-dil kahan hai tum kahan ho,

maza jab aae un se guftugu ka
payami ka dahan meri zaban ho,

kashida kyun na ho bazar-e-yusuf
ki jab tum sa mata-e-karwan ho,

kahun kya raaz-e-dil kyun kar ho bawar
ki tum sa hi tumhaara raaz-dan ho,

abhi se kis liye dil chhod baithen
jahan tak ho sake aah-o-fughan ho.

وہ جھوٹا عشق ہے جس میں فغاں ہو

وہ جھوٹا عشق ہے جس میں فغاں ہو
وہ کچی آگ ہے جس میں دھواں ہو

عدو تم سے تم ان سے بدگماں ہو
تمھارے وہ تم ان کے پاسباں ہو

بھلا تم اور مجھ پر مہرباں ہو
عنایت یہ نصیب دشمناں ہو

مرا حال اور پھر میرا بیاں ہو
عجب کیا گر عدو بھی ہم زباں ہو

کہیں کس سے خودی میں تم کہاں ہو
گلہ جب ہو کہ قابو میں زباں ہو

تمھاری بے رخی شکوے ہمارے
قیامت تک نہ پوری داستاں ہو

زباں بہکی ہوئی حیراں نگاہیں
خیال دل کہاں ہے تم کہاں ہو

مزہ جب آئے ان سے گفتگو کا
پیامی کا دہن میری زباں ہو

کشیدہ کیوں نہ ہو بازار یوسف
کہ جب تم سا متاع کارواں ہو

کہوں کیا راز دل کیوں کر ہو باور
کہ تم سا ہی تمھارا رازداں ہو

ابھی سے کس لیے دل چھوڑ بیٹھیں
جہاں تک ہو سکے آہ و فغاں ہو

Leave a Comment