तड़प के रात बसर की जो इक मुहिम सर की

तड़प के रात बसर की जो इक मुहिम सर की
छुरी थी मेरे लिए जो शिकन थी बिस्तर की,

अरक़ अरक़ हैं जो गर्मी से रोज़-ए-महशर की
पनाह ढूँडते हैं मेरे दामन-ए-तर की,

हुआ गुमान उसी शोख़-ए-सुस्त-पैमाँ का
अगर हवा से भी ज़ंजीर हिल गई दर की,

इसी तरफ़ तिरे क़ुर्बां निगाह-ए-शर्म-आलूद
मुझी पे तेज़ हो ये बाढ़ कुंद ख़ंजर की,

ख़िराम वो जो हिला दे जिगर फ़रिश्तों का
निगाह वो जो उलट दे सफ़ों को महशर की,

सजाई हज़रत-ए-वाइज़ ने किस तकल्लुफ़ से
मता-ए-ज़ोहद-ओ-वरा सीढ़ियों पे मिम्बर की,

उबूर बहर-ए-हक़ीक़त से जब नहीं मुमकिन
किनारे बैठ के लहरें गिनूँ समुंदर की,

सुनेगा कौन सुनी जाएगी ‘सफ़ी’ किस से
तुम्हारी राम-कहानी ये ज़िंदगी भर की।

Tadap Ke Raat Basar Ki Jo Ek Muhim Sar Ki

tadap ke raat basar ki jo ek muhim sar ki
chhuri thi mere liye jo shikan thi bistar ki,

araq araq hain jo garmi se roz-e-mahshar ki
panah dhundte hain mere daman-e-tar ki,

hua guman usi shokh-e-sust-paiman ka
agar hawa se bhi zanjir hil gai dar ki,

isi taraf tere qurban nigah-e-sharm-alud
mujhi pe tez ho ye badh kund khanjar ki,

khiram wo jo hila de jigar farishton ka
nigah wo jo ulat de safon ko mahshar ki,

sajai hazrat-e-waiz ne kis takalluf se
mata-e-zohd-o-wara sidhiyon pe mimbar ki,

ubur bahr-e-haqiqat se jab nahin mumkin
kinare baith ke lahren ginun samundar ki,

sunega kaun suni jaegi ‘safi’ kis se
tumhaari ram-kahani ye zindagi bhar ki.

تڑپ کے رات بسر کی جو اک مہم سر کی

تڑپ کے رات بسر کی جو اک مہم سر کی
چھری تھی میرے لیے جو شکن تھی بستر کی

عرق عرق ہیں جو گرمی سے روز محشر کی
پناہ ڈھونڈتے ہیں میرے دامن تر کی

ہوا گمان اسی شوخ سست پیماں کا
اگر ہوا سے بھی زنجیر ہل گئی در کی

اسی طرف ترے قرباں نگاہ شرم آلود
مجھی پہ تیز ہو یہ باڑھ کند خنجر کی

خرام وہ جو ہلا دے جگر فرشتوں کا
نگاہ وہ جو الٹ دے صفوں کو محشر کی

سجائی حضرت واعظ نے کس تکلف سے
متاع زہد و ورع سیڑھیوں پہ منبر کی

عبور بحر حقیقت سے جب نہیں ممکن
کنارے بیٹھ کے لہریں گنوں سمندر کی

سنے گا کون سنی جائے گی صفیؔ کس سے
تمہاری رام کہانی یہ زندگی بھر کی

Leave a Comment