तुम न मानो मगर हक़ीक़त है

तुम न मानो मगर हक़ीक़त है
इश्क़ इंसान की ज़रूरत है,

जी रहा हूँ इस ए’तिमाद के साथ
ज़िंदगी को मिरी ज़रूरत है,

हुस्न ही हुस्न जल्वे ही जल्वे
सिर्फ़ एहसास की ज़रूरत है,

उस के वादे पे नाज़ थे क्या क्या
अब दर-ओ-बाम से नदामत है,

उस की महफ़िल में बैठ कर देखो
ज़िंदगी कितनी ख़ूब-सूरत है,

रास्ता कट ही जाएगा ‘क़ाबिल’
शौक़-ए-मंज़िल अगर सलामत है।

Tum Na Mano Magar Haqiqat Hai

tum na mano magar haqiqat hai
ishq insan ki zarurat hai,

ji raha hun is e’timad ke sath
zindagi ko meri zarurat hai,

husn hi husn jalwe hi jalwe
sirf ehsas ki zarurat hai,

us ke wade pe naz the kya kya
ab dar-o-baam se nadamat hai,

us ki mahfil mein baith kar dekho
zindagi kitni khub-surat hai,

rasta kat hi jaega ‘qabil’
shauq-e-manzil agar salamat hai.

تم نہ مانو مگر حقیقت ہے

تم نہ مانو مگر حقیقت ہے
عشق انسان کی ضرورت ہے

جی رہا ہوں اس اعتماد کے ساتھ
زندگی کو مری ضرورت ہے

حسن ہی حسن جلوے ہی جلوے
صرف احساس کی ضرورت ہے

اس کے وعدے پہ ناز تھے کیا کیا
اب در و بام سے ندامت ہے

اس کی محفل میں بیٹھ کر دیکھو
زندگی کتنی خوبصورت ہے

راستہ کٹ ہی جائے گا قابلؔ
شوق منزل اگر سلامت ہے

Leave a Comment