है तिरा गाल माल बोसे का

है तिरा गाल माल बोसे का
क्यूँ न कीजे सवाल बोसे का,

मुँह लगाते ही होंठ पर तेरे
पड़ गया नक़्श लाल बोसे का,

ज़ुल्फ़ कहती है उस के मुखड़े पर
हम ने मारा है जाल बोसे का,

सुब्ह रुख़्सार उस के नीले थे
शब जो गुज़रा ख़याल बोसे का,

अँखड़ियाँ सुर्ख़ हो गईं चट से
देख लीजे कमाल बोसे का,

जान निकले है और मियाँ दे डाल
आज वा’दा न टाल बोसे का,

गालियाँ आप शौक़ से दीजे
रफ़अ’ कीजे मलाल बोसे का,

है ये ताज़ा शगूफ़ा और सुनो
फूल लाया निहाल बोसे का,

अक्स से आइने में कहता है
खींच कर इंफ़िआल बोसे का,

बर्ग-ए-गुल से जो चीज़ नाज़ुक है
वाँ कहाँ एहतिमाल बोसे का,

देख ‘इंशा’ ने क्या किया है क़हर
मुतहम्मिल ये गाल बोसे का।

Hai Tera Gal Mal Bose Ka

hai tera gal mal bose ka
kyun na kije sawal bose ka,

munh lagate hi honth par tere
pad gaya naqsh lal bose ka,

zulf kahti hai us ke mukhde par
hum ne mara hai jal bose ka,

subh rukhsar us ke nile the
shab jo guzra khayal bose ka,

ankhdiyan surkh ho gain chat se
dekh lije kamal bose ka,

jaan nikle hai aur miyan de dal
aaj wada na tal bose ka,

galiyan aap shauq se dije
rafa kije malal bose ka,

hai ye taza shagufa aur suno
phul laya nihaal bose ka,

aks se aaine mein kahta hai
khinch kar infial bose ka,

barg-e-gul se jo chiz nazuk hai
wan kahan ehtimal bose ka,

dekh ‘insha’ ne kya kiya hai qahr
mutahammil ye gal bose ka.

ہے ترا گال مال بوسے کا

ہے ترا گال مال بوسے کا
کیوں نہ کیجے سوال بوسے کا

منہ لگاتے ہی ہونٹھ پر تیرے
پڑ گیا نقش لال بوسے کا

زلف کہتی ہے اس کے مکھڑے پر
ہم نے مارا ہے جال بوسے کا

صبح رخسار اس کے نیلے تھے
شب جو گزرا خیال بوسے کا

انکھڑیاں سرخ ہو گئیں چٹ سے
دیکھ لیجے کمال بوسے کا

جان نکلے ہے اور میاں دے ڈال
آج وعدہ نہ ٹال بوسے کا

گالیاں آپ شوق سے دیجے
رفع کیجے ملال بوسے کا

ہے یہ تازہ شگوفہ اور سنو
پھول لایا نہال بوسے کا

عکس سے آئنے میں کہتا ہے
کھینچ کر انفعال بوسے کا

برگ گل سے جو چیز نازک ہے
واں کہاں احتمال بوسے کا

دیکھ انشاؔ نے کیا کیا ہے قہر
متحمل یہ گال بوسے کا

Leave a Comment