ज़िंदा रहने की ये तरकीब निकाली मैं ने

ज़िंदा रहने की ये तरकीब निकाली मैं ने
अपने होने की ख़बर सब से छुपा ली मैं ने

जब ज़मीं रेत की मानिंद सरकती पाई
आसमाँ थाम लिया जान बचा ली मैं ने

अपने सूरज की तमाज़त का भरम रखने को
नर्म छाँव में कड़ी धूप मिला ली मैं ने

मरहला कोई जुदाई का जो दरपेश हुआ
तो तबस्सुम की रिदा ग़म को ओढ़ा ली मैं ने

एक लम्हे को तिरी सम्त से उट्ठा बादल
और बारिश की सी उम्मीद लगा ली मैं ने

बा’द मुद्दत मुझे नींद आई बड़े चैन की नींद
ख़ाक जब ओढ़ ली जब ख़ाक बिछा ली मैं ने

जो ‘अलीना’ ने सर-ए-अर्श दुआ भेजी थी
उस की तासीर यहीं फ़र्श पे पा ली मैं ने।

Zinda Rahne Ki Ye Tarkib Nikali Maine

zinda rahne ki ye tarkib nikali main ne
apne hone ki khabar sab se chhupa li main ne

jab zamin ret ki manind sarakti pai
aasman tham liya jaan bacha li main ne

apne suraj ki tamazat ka bharam rakhne ko
narm chhanw mein kadi dhup mila li main ne

marhala koi judai ka jo darpesh hua
to tabassum ki rida gham ko odha li main ne

ek lamhe ko teri samt se uttha baadal
aur barish ki si ummid laga li main ne

baad muddat mujhe nind aai bade chain ki nind
khak jab odh li jab khak bichha li main ne

jo ‘alina’ ne sar-e-arsh dua bheji thi
us ki tasir yahin farsh pe pa li main ne.

زندہ رہنے کی یہ ترکیب نکالی میں ن

زندہ رہنے کی یہ ترکیب نکالی میں نے
اپنے ہونے کی خبر سب سے چھپا لی میں نے

جب زمیں ریت کی مانند سرکتی پائی
آسماں تھام لیا جان بچا لی میں نے

اپنے سورج کی تمازت کا بھرم رکھنے کو
نرم چھاؤں میں کڑی دھوپ ملا لی میں نے

مرحلہ کوئی جدائی کا جو درپیش ہوا
تو تبسم کی ردا غم کو اوڑھا لی میں نے

ایک لمحے کو تری سمت سے اٹھا بادل
اور بارش کی سی امید لگا لی میں نے

بعد مدت مجھے نیند آئی بڑے چین کی نیند
خاک جب اوڑھ لی جب خاک بچھا لی میں نے

جو علیناؔ نے سر عرش دعا بھیجی تھی
اس کی تاثیر یہیں فرش پہ پا لی میں نے

Leave a Comment